Масакр во Украина: Русите погодија автобуси полни со патници, најмалку 30 загинати/ФОТО

Најмалку 30 лица загинаа, а 18 се ранети утринава во руски напад врз автобуска станица во Краматорск, во источна Украина, соопшти гувернерот на регионот Доњецк, Вадим Филашкин. Според него, руските сили ја погодиле станицата со наведувана авионска бомба. Фотографиите објавени по нападот прикажуваат најмалку еден целосно изгорен автобус.

„Русија носи смрт на украинската почва. Таа ги напаѓа нашите градови, ги убива нашите луѓе и од ден на ден ги трупа своите злосторства“, наведе Филашкин на Телеграм.

Гувернерот ги обвини руските сили дека намерно гаѓаат цивили.

12 killed in a Russian terrorist strike on a commuter bus in Kramatorsk, at least 22 dead following yesterday’s Russian strike on a residential building in Pryluky.
My deepest condolences to the loved ones of the victims of Russian terror, @ZelenskyyUa @andrii_sybiha.
The Kremlin has no intention of stopping its terror against 🇺🇦 civilians; it’s crucial to provide Ukraine with the necessary amount of air defense.

— Pavel Latushka (@PavelLatushka) October 8, 2026

„Русите гаѓаат цивили. Автобус полн со патници за нив е привлечна цел токму затоа што еден погодок им овозможува да убијат што е можно повеќе луѓе“, рече тој.

По нападот, властите во Краматорск и во блискиот Славјанск наредија целосен прекин на јавниот превоз.

Во меѓувреме, уште четири лица загинаа, а шест се ранети во руски напади на други локации во регионот Доњецк во текот на изминатиот ден. Според регионалните власти, руските сили во последните 24 часа 31 пат гранатирале населени места, а 256 лица – меѓу кои 32 деца – биле евакуирани од областите во близина на линијата на фронтот.

russia just directly targeted busses filled with people in Kramatorsk. 12 innocent civilians murdered. Totally depraved terrorism. https://t.co/zJsyeHhaVV

— Caolan (@CaolanReports) October 8, 2026

Украинските воздухопловни сили соопштија дека Русија во текот на ноќта ја нападнала земјата со 142 дрона од типот „Шахед“, од кои 82 биле со млазен погон. Украинската противвоздушна одбрана тврди дека соборила или електронски онеспособила 126 дрона.

Ова не е прв напад врз јавниот превоз во Краматорск. На 2 октомври, руски FPV-дрон погоди патнички автобус на редовна линија, при што беа повредени две лица.