Концерт на квартетот саксофони „Сигнум“

Во црквата „Света Софија“, вечерва 31 јули во 21:00 часот, концерт ќе одржи квартетот саксофони „Сигнум“ (Словенија/Германија), во состав Михал Кнот – сопран саксофон, Јакопо Тадеи – сопран саксофон, Алан Лужар – тенор саксофон и Едоардо Зоти – баритон саксофон.

Квартетот саксофони „Сигнум“ е с,è освен обичен ансамбл – четворица извонредни саксофонисти, кои се познаваат уште од студентските денови и кои постојано наоѓаат начин заеднички да откриваат. Нивниот стил претставува еден вид спој на повеќе жанрови, со особена посветеност на музиката оригинално напишана за гудачки квартет, но и со афинитет кон рок- класиците на нашето време. Уште при првите тонови на својата изведба овие музичари почнуваат со вистински  „огномет“, кој надополнет со емоции и постојана љубопитност да се преминуваат границите на музиката, прави тие да создаваат необично и уникатно ансамблово музицирање.