Клоп во голем шок откако Германија испадна на пенали

Фудбалската репрезентација на Парагвај приреди првокласна сензација на Светското првенство со елиминирање на Германија по подобро изведување на пенали. Јужноамериканците победија со вкупни 5:4 и со тоа обезбедија место во осминафиналето, каде што ги чека победникот од дуелот меѓу Франција и Шведска. По 120 минути игра, резултатот беше 1:1.

Победникот беше решен по драматично изведување на пенали. По пет серии беше 3:3 бидејќи Каи Хаверц и Ник Волтемаде беа непрецизни за Германија, а за Парагвај Антонио Санабрија и Фабијан Балбуена. Клучниот момент се случи во шестата серија. Џонатан Тах го промаши целиот гол, по што Антонио Канале беше прецизен и го водеше Парагвај до голема прослава и осминафинале.

Камерите го фатија Јирген Клоп како гледа во шок и неверица како Германија испаѓа од Светското првенство. Легендарниот тренер не можеше да поверува дека Германија веќе е исфрлена од Светското првенство во 1/16 финалето. Многумина ја сметаа Германија за еден од фаворитите за светската круна, а сега веќе си одат дома.

Овој пораз е особено болен за Германија бидејќи означува крај на нивната неверојатна доминација во изведувањето на пенали на Светските првенства. Имено, до дуелот со Парагвај, Германците никогаш во својата историја не загубија на пенали на Светските првенства. До ова првенство, Хрватска го делеше првото место со Германија, но откако Германците загубија од Парагвај со резултат од 5:4 по изведувањето на пенали, Хрватска остана единствената репрезентација со 100 % ефикасност.