Градоначалникот на Општина Гази Баба, Бобан Стефковски, информираше дека го потпишал договорот за изработка на основен проект за зафаќање вода од Раштанска Река со што, како што вели, и официјално почнува реализацијата на едно децениско барање на жителите на Раштак.
Станува збор за долгогодишен проблем и потреба на населението, за кој изминативе години постоеше голем интерес и очекување.
– Со изработката на основниот проект се поставуваат темелите за реализација на овој капитален зафат, кој во иднина ќе овозможи подобри услови и поквалитетна инфраструктура за жителите. Особено e значајно е што средствата за реализација на проектот се обезбедени од Министерството за локална самоуправа, што претставува уште еден доказ за успешната и партнерска соработка помеѓу централната и локалната власт во интерес на граѓаните – истакна Стефковски.
Тој додаде дека продолжуваат посветено да работат на реализација на проекти кои директно ги решаваат потребите на граѓаните и придонесуваат за рамномерен развој на сите населени места во општината.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
