Бројот на одобренија за градење во јули 2026 година е намален за 8,5 отсто во однос на тој период од претходната година, соопшти Државниот завод за статистика.
– Во јули 2026 година се издадени 367 одобренија за градење, што е за 8,5 проценти помалку во однос на тој месец од претходната година.
Според издадените одобренија за градење, предвидената вредност на објектите изнесува 7.995.108 илјади денари, што е за 74,8 отсто помалку во однос на тој месец од претходната година – се посочува во објавата на ДЗС.
Притоа, од ДЗС појаснуваат дека намалената вредност се должи на фактот што во референтниот период минатата година е издадено одобрение за градба за ветерен парк (за производство на електрична енергија од обновливи извори) во општините Штип, Радовиш и Карбинци.
– Од вкупниот број издадени одобренија за градење, 227 (61,9 %) се наменети за објекти од високоградбата, 39 (10,6 %) за објекти од нискоградбата и 101 (27,5 %) за објекти за реконструкција.
Од вкупно 367 објекти, на 209 (56,9 %) како инвеститори се јавуваат физички лица, а на 158 (43,1 %) објекти инвеститори се деловни субјекти.
Во извештајниот период е предвидена изградба на 1.248 стана со вкупна корисна површина од 100.440 м2 – се појаснува во објавата.
Притоа, податоците покажуваат дека најголем дел од одобренијата се издадени за Скопскиот Регион.
ИЗДВОЕНИ
За аферата со очната установа: Болницата реагира дека нема оштетени, поранешен пациент им враќа, не ми дадовте извештај и баравте кеш
Три пресметки за животниот стандард, една реалност – македонските плати најниски во Европа
Македонија поместува планини за милиметар напред, Бугарија со закована позиција
Три и пол милијарди евра во пензиските фондови, Владата најавува избор за штедење
