Голем пожар што избувна во фабрика за пластика во областа Вотаникос во Грција гори повеќе од 16 часа, соопштија грчките власти утрово.
Според ЕРТ, пожарникарите продолжуваат да се борат со пожарот, кој е предизвикан од голема количина запалив материјал складиран во фабричкиот комплекс. Операцијата за гаснење пожари е дополнително комплицирана поради уривањето на дел од покривот на зградата поради високите температури, што го зголемува ризикот за пожарникарите на терен. Во пожарот нема повредени.
Утрово, повторно избувна пожар во еден од магацините, поради што пожарникарите се дополнително ангажирани за да спречат ширење на пожарот.
Горењето пластични материјали го загади воздухот во пошироката област, па властите апелираа до граѓаните, особено постарите лица и оние со респираторни проблеми, да ги ограничат активностите на отворено и да ги држат прозорците затворени.
Сообраќајната полиција привремено го затвори сообраќајот на улицата Орфеос, од улицата Агиас Анис до авенијата Кифисос во областа Егалео, поради обновен пожар и интервенција на пожарникарите.
Причината за пожарот засега е непозната. Истрагата е во тек.
