Најмалку 12 лица загинаа, а 50 се повредени денеска во верижен судир на автопат во Бугарија, предизвикан од магла. Тодор Тенев, сведок на оваа несреќа од невидени размери, зборуваше за бугарската телевизија „Нова“, пренесува „Свободна точка“. Тој изјави дека маглата била исклучително густа и дека верижниот судир се случил токму пред него.
„Маглата беше многу густа. Несреќата се случи точно пред нас.
Одеднаш, сè се затемни. Излегов од автомобилот и тргнав напред.
Со помош на дигалка го скршив стаклото на една кабина што гореше и извлеков човек. Веднаш потоа слушнав како автомобилите во спротивната лента почнуваат да се удираат еден во друг. Поради маглата, видливоста не беше поголема од 50 метри“, раскажа тој, опишувајќи ги ужасните сцени.
Тој изјави дека асфалтот бил видливо влажен, а маглата многу густа, што ја намалило видливоста на патот. На местото на настанот брзо пристигнале дури четири или пет возила на брза помош, поради големиот број настрадани и повредени лица.
„Асфалтот беше исклучително влажен, а маглата неверојатно густа. Многу брзо пристигнаа четири или пет екипи на брза помош. Сепак, хеликоптерот не можеше да слета; маглата беше премногу густа“, додаде тој.
🚨 Тежки верижни катастрофи на магистрала „Тракия“ край пътен възел „Зимница“. Областният управител на Ямбол Георги Чалъков потвърди за загинали Гъста мъгла затруднява движението, активирана е системата за ранно оповестяване в Ямбол, Бургас📉🇧🇬#България #Новини #Катастро https://t.co/VKueNMxeDo
— Тук е България (@jrwty48) November 10, 2026
ИЗДВОЕНИ
Ќе се гради и со нерешени имотни односи, а проекти ќе заверуваат и инженери со само една година искуство
Граѓаните се борат со поскапувањето, а партиите со спротивставено толкување на инфлацијата
Камери и на граничниот премин Блаце, полицијата ќе снима и во движење
Обвинителот бара извинување од Ива Михаилова, која на поткаст кажа дека ѝ барал пари
