Седумкратниот светски шампион и возач на Ферари, Луис Хамилтон, изјави дека неговиот тим може да го предизвика Мерцедес на почетокот на нова ера во Формула 1 по охрабрувачкиот почеток на сезоната и трката за Големата награда на Австралија.

Возачот на Мерцедес, Џорџ Расел, славеше на отворањето на сезоната во Мелбурн, со својот колега Кими Антонели на второто место, а возачите на Ферари, Шарл Леклер и Луис Хамилтон, беа на третото и на четвртото место.

Леклер го престигна Расел на стартот за да го преземе водството и тие се вклучија во жестока битка за престигнување во првите 10 круга, при што Хамилтон беше блиску до својот колега во текот на целата трка.

  • Многу сум горд на тимот. Тој направи неверојатна работа за да испорача ваков болид. Секако, не сме толку брзи како Мерцедес и имаме голема работа пред нас, но сме во вистинска борба со нив. Трката беше навистина забавна и се чувствував добро. Уште неколку круга, и ќе го стигнев Шарл, имав одлично темпо. Има многу позитивни работи што може да се извлечат од оваа трка – рече Хамилтон.

Следната трка во шампионатот е Големата награда на Кина, на 15 март.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ