Во Општина Ѓорче Петров започна со реализација пилот-проект за селекција на отпад, со цел подигнување на еколошката свест и унапредување на одржливото управување со отпадот на локално ниво.
– Во рамките на проектот, а во соработка со Центарот за климатски промени – Гевгелија и „Алпакеко“, се доделуваат канти за селекција на отпад од ПЕТ (пластична) амбалажа на вкупно 60 домаќинства на територија на Општината – информираа од Општина Ѓорче Петров.
Оттаму додаваат дека проектот претставува почетна фаза од поширока иницијатива што има цел постепено проширување на системот за селекција на отпад во целата општина, со активно вклучување на граѓаните во процесите за заштита на животната средина.
Донацијата е обезбедена од Центарот за климатски промени, во рамките на проектот „Младите и жените – двигатели на транзицијата кон одржливо управување со отпадот во руралните средини (WeLeadRural)“, како дел од програмата „BOOST Balkans“, поддржана од „ALDA – European Association for Local Democracy“, „ALDA Balkans“, преку „AFD – Agence Française de Développement“.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
