Европската конфедерација на синдикати (ЕТУЦ) ја повика Европската Унија да воведе задолжителни, законски пропишани паузи за работниците изложени на екстремна топлина, предупредувајќи за зголемените здравствени и безбедносни ризици во текот на сè почестите топлотни бранови.
Инспириран од мерките воведени на Мундијалот, кога се прекинувани фудбалските натпревари за да се заштитат играчите од екстремната топлина, синдикатот во соопштението наведува дека работниците треба да имаат право на „паузи за ладење“ во текот на периоди на високи температури, објави „Ле Фигаро“. ЕТУЦ истакнува дека работниците во секторите како што се градежништвото, земјоделството и јавниот транспорт треба да имаат уште поголема заштита, бидејќи се изложени на високи температури подолго и континуирано.
Според податоците што ги цитира синдикатот, ризикот од повреди поврзани со работата се зголемува за околу седум проценти кога надминуваат температурите 30 Целзиусови степени, додека на температури од околу 38 степени се зголемува до 15 проценти.
ИЗДВОЕНИ
Жесток судир меѓу Филипче и Мицкоски во собраниската сала: „Нула резултати за две години“ наспроти „Требаше да сте зад решетки“
Паѓаат кириите во Скопје, стан што се нуди за 400 евра – се издава за 250
Прво одбиено, потоа одобрено барање: Обвинителството ги отвори досиејата за лиценците на „Пулс“.
КОЛУМНА ГОРДАН ЈОРДАНОВ: Европа, војната и заборавените лекции од минатото
