Европа ја врти „плочата“: Поради војната на Блискиот Исток повторно посегнува по руската нафта?

Според извори од Брисел, ограничувањето на цената на руската нафта би ги фиксирало цените на моменталното ниво, а како опција се разгледува и суспендирањето на динамичкото и автоматско зголемување на цените на горивата.

И покрај фактот дека Иран и САД во моментов преговараат, ескалацијата на конфликтот на Блискиот Исток ја охрабри Европската Унија, барем привремено, повторно да се потпре повеќе на руската нафта.

Како што тврди Блумберг, Брисел во моментов размислува за замрзнување на ценовната граница за руската сурова нафта, што би ги фиксирало цените на нивното сегашно ниво.

„Други опции што се разгледуваат вклучуваат суспендирање на динамичкото и автоматско зголемување на цените на горивата до крајот на оваа година, како и ограничување на цената на 60 долари за барел, што одговара на максималното ниво претходно поставено од групата Г7“, изјави анонимен извор запознаен со ситуацијата.

Сепак, истовремено со овие преговори, ЕУ работи и на 21-от пакет антируски санкции. Се очекува овој пакет да биде насочен кон банки, трговци со нафта, рафинерии, па дури и крипто оператори што работат во трети земји. Дури се споменуваат и можни ограничувања за околу 20 танкери за нафта кои се директно или индиректно поврзани со Русија.

Русија одговори на претходните санкции воведени од ЕУ и членовите на Г/групата и Австралија поради војната во Украина со свои ограничувања. Така, на крајот на 2022 година, рускиот претседател Владимир Путин издаде декрет со кој строго се забранува продажбата на руска нафта и нафтени деривати на странски субјекти ако договорите директно или индиректно подразбираат почитување на ценовните ограничувања. Таа забрана неодамна беше продолжена до 30 јуни 2026 година.

Цените на горивата под 90 денари, дизелот со значително поевтинување?