Евакуирани жители во град во источна Англија: Екипа за деминирање врши увид во сомнителна куќа, приведени се две лица/фото

Полицијата денеска била повикана во куќа во градот Брентвуд, во округот Есекс (источна Англија), по пријава за расправија меѓу соседи. Жителите се евакуирани, а екипа за деминирање моментално врши увид во објектот, пренесува „Скај њуз“ (Sky News).

Од полицијата соопштија дека на самото место се уапсени еден маж и една жена.

По пристигнувањето, полициските службеници влегле во куќата и пронашле неколку помали предмети, кои сега се предмет на испитување од страна на експерти за експлозивни направи.

„Како мерка на претпазливост, додека трае оваа операција, жителите се евакуирани од домовите што се наоѓаат во радиус од 100 метри од полицискиот кордон“, изјавија од локалната полиција.

BREAKING 🚨: A Street in Essex has been shut off and homes evacuated while a bomb squad examines “small items” found after two arrests

Officers detained two people after forcing their way into a property in Brentwood, Essex, this morning before ordering the “safe examination of small items found”.

A 100-metre cordon was put in place in Sawyers Grove at around 7.20am.

Essex police has said: “Explosive Ordnance Disposal experts were called to the scene and are examining the items to establish what they are.”

“A number of homes within the 100-metre cordon have been evacuated as a precaution while this work continues.”

— UK Dispatch (@UKDispatch_) October 30, 2026

Засега нема дополнителни детали во врска со инцидентот.

Мајкл Пејџ (84), кој живее во близина, изјави за „Би-би-си“ (BBC) дека добил наредба да го напушти домот околу 11:30 часот.

„Ми тропнаа на врата и рекоа: ’Морате да излезете‘. Ништо друго не ми кажаа“. Тој додаде дека нема да му биде дозволено да се врати дома во следните неколку часа. Во меѓувреме, Вон Вејтс (57) бил со сопругата, изведувајќи го нивното куче, Поли. Тој раскажа дека Поли била затворена внатре во куќата цели седум часа.

„Бевме во набавка кога се случи тоа. Кога се вративме, не ни дозволија да пристапиме до имотот“, рече тој.

Драмата во Есекс продолжува, а полицијата ѝ се заблагодари на јавноста за трпението. Портпарол изјави дека најновите информации ќе бидат соопштени штом ќе бидат достапни.