Залихите на Украина од американски ракети „AIM-120“ и „AIM-9“ за авионите Ф-16, како и од пресретнувачи „PAC-3“ за системот „Патриот“, наскоро ќе бидат исцрпени, објави денеска британскиот неделник „Економист“, во услови на зголемено руско производство на ракети и беспилотни летала.
Според проценките наведени во британскиот неделник, Русија произведува околу 3.000 беспилотни летала „Геран-4“ и „Геран-5“ месечно – од кои некои можат да достигнат брзина од 600 километри на час – како и приближно 100 балистички ракети, вклучително и околу 60 ракети „Искандер-М“.
„Економист“ смета дека испораки на ракети „PAC-3“ од САД во голем обем се малку веројатни во блиска иднина.
Киев особено смета на нови испораки на француско-италијанските системи „SAMP/T“ и ракетите „Aster“.
Украина и неколку европски производители, исто така, го развиваат „Freya“ – пресретнувач со пониска цена, погоден за масовно производство, дизајниран специјално за да се намали зависноста од американските ракети „PAC-3“, пренесе „Бета“.
ИЗДВОЕНИ
Не се од Буџетот, од Државна лотарија се – 5 и пол милиони евра за „Силно светнал ден“
„Ниту еден обвинет не смее да биде спасен од бавноста на системот“, порачаа родителите
Андреа Серафимовски за весникот ВЕЧЕР: Македонците повеќе инвестираат во станови отколку во банки, но многу од нив се празни
Симптомите на западнонилската треска може да траат и до два месеца
