Во тек е изградбата на две нови сообраќајници во населбата Расадник: „Новопланирана улица 2“ и „Пристапна улица 2“.
Проектот опфаќа: поставување двослоен асфалтен коловоз на површина од 1.600 квадратни метри, со нови рабници од двете страни, поплочување на 460 квадратни метри нови тротоарски површини за поголема безбедност на пешаците, како и трајно и ефикасно справување со атмосферските води преку постојните, но и изведба на нови сливници, кои ќе го штитат коловозот при обилни врнежи.
– Со овие нови 1.600 квадрати асфалтно поврзување, создаваме модерна и безбедна инфраструктура. Со правилно решавање на атмосферските води и со квалитетно изведени коловози, директно влијаеме на подигнувањето на квалитетот на живеење и обезбедуваме побрза комуникација за сите наши сограѓани – соопштија од Општина Кисела Вода.
Оттаму потенцираат дека ова е дел од нивната стратешка определба за континуирано унапредување на патната мрежа, поквалитетно сообраќајно поврзување и за повисок стандард на живеење.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
