Силна промена на времето ја зафати Хрватска, каде што циклон се наоѓа над Јадранското Море, донесувајќи облачно време низ целата земја, дожд, снег и грмотевици, додека врнежите се зголемуваат во внатрешноста. Во Горски Котар и дел од северозападната внатрешност, паѓа снег со силен ветер. Сообраќајот е отежнат низ целата земја поради влажни и лизгави патишта, а поголемо количество вода се задржува на одредени делови.
Снежната покривка расте. На подрачјето на Госпиќ може да достигне половина метар, а обилните дождови може да предизвикаат поплави, особено во северниот дел на Јадранското Море, во Горски Котар, Лика и во областа Карловац.
Метеоалармот е подигнат на највисоко, црвено ниво за северниот Јадран и Горски Котар, а метеоролозите предупредуваат на ненадејно заладување. Граѓаните низ погодените подрачја добиваат предупредувања од надлежните служби преку пораки, во кои се апелира за максимална претпазливост поради исклучително опасните временски услови.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
