Поранешен офицер од Британските гранични сили и пензиониран полицаец од Хонг Конг беа осудени на затворски казни во Велика Британија денес за шпионажа на дисиденти и критичари на кинеската влада.
Обвинителите изјавија дека полицаецот Питер Ваи и поранешниот шеф на полицијата во Хонг Конг, Бил Јуен, се претставувале како полициски и разузнавачки службеници за да вршат надзор и да собираат информации за дисидентите во Хонг Конг.
Судијката Боби Чима-Груб го осуди Ваи на 10 години, а Јуен на осум години затвор.
Таа рече дека „намерните, договорени и сериозни дејствија на обвинетите ги ставиле во страв и вознемиреност оние што ги таргетирале“.
Нивните цели биле поранешниот пратеник од Хонг Конг, Натан Ло, и активисти што ги нарекле „лебарки“, како и британски политичари кои биле критични кон Кина, соопштија обвинителите.
Поротата минатиот месец ги прогласи Јуен и Веи за виновни за кршење на Законот за национална безбедност со помагање на странска разузнавачка служба.
Веи беше осуден за злоупотреба на јавна функција за користење на владин компјутер за пребарување информации за луѓе од интерес за властите во Хонг Конг.
Кинеската амбасада во Велика Британија го нарече случајот политичка фарса насочена кон поддршка на антикинеските сили кои избегаа во Велика Британија, пренесе „Бета“.
ИЗДВОЕНИ
Европскиот шопинг феномен Pepco официјално пристигна во Скопје: Најавени продавници и во Охрид и Струга!
Мицкоски упати сериозни критики кон соработниците – фотелјата не смее да биде помила од народот: Опомена до функционерите: Ако сте уморни, заминете!
Црвените линии на хартија – ЕУ да гарантира дека нема да го чепка македонскиот идентитет
Струјата ќе поевтини – блок-тарифите се укинуваат!?
