Душан Влаховиќ веќе избра нов клуб!

Душан Влаховиќ не покажа многу во последните четири години во дресот на Јувентус. Човекот од 84 милиони евра не направи никаква посебна разлика на теренот, а фактот дека тој е веројатно најплатениот играч во Серија А со плата од 12 милиони евра нето годишно звучи уште поневеројатно.

Договорот на српскиот напаѓач со „стара дама“ истекува на крајот на јуни. Сите преговори за продолжување на соработката пропаднаа, па затоа многу се зборува за тоа каде Влаховиќ би можел да ја продолжи кариерата.

Сепак, Јуве ќе се обиде уште еднаш да го задржи и затоа беше закажан состанок со агентите на српскиот напаѓач, а за тоа зборуваше и угледниот италијански новинар Фабрицио Романо.

„Јувентус има намера да одржи состанок со агентот на Душан во наредните недели. Тие сакаат да видат дали постои можност за продолжување на соработката“, рече Романо, додавајќи:

„Договорот воопшто нема да биде лесен со оглед на платата што ја има Влаховиќ. Мора да се решат сериозни финансиски тешкотии пред да се зборува за останување.“

„Моментално, Влаховиќ е фокусиран на закрепнување од повредата за да може да му помогне на тимот во последната фаза од сезоната.“

Се чини дека Влаховиќ е фокусиран и на друг клуб и навистина сака да оди во Барселона.

Каталонскиот гигант бара нова „деветка“ затоа што легендарниот полски играч Роберт Левандовски е на излезна врата од клубот, а Барса сака помлад напаѓач.

Влаховиќ е една од неколкуте опции, а Србинот веќе ги замолил своите агенти да вложат максимални напори за да најдат заеднички јазик со челниците на Барселона.

Покрај Барса, Влаховиќ се поврзуваше и со други клубови. Атлетико (М) е исто така опција, но исто така се и англиските гиганти Челзи, Манчестер Јунајтед и Астон Вила, а интерес има и од Интер и Милан.

Тој одигра вкупно 162 натпревари во бело-црниот дрес во кој постигна 64 гола и додаде 16 асистенции.

Во текот на својата кариера, Влаховиќ играше и за Фиорентина и Партизан од Белград.