Министерството за внатрешни работи на Кувајт објави видео снимки на кои се гледа обемот на уништувањето и штетата на меѓународниот аеродром во Кувајт, кој утрово беше цел на голем ирански ракетен и беспилотен напад.
Објавените видеа го прикажуваат првиот заменик-премиер и министер за внатрешни работи, шеикот Фахд Јусуф Сауд ел-Сабах, во придружба на обезбедувањето, како ги посетува уништените делови од аеродромот и ја проценува штетата.
معالي النائب الأول لرئيس مجلس الوزراء ووزير الداخلية يتفقد مبنى الركاب (T1) في مطار الكويت الدولي عقب تعرضه لعدوان إيراني آثم
في إطار المتابعة الميدانية المستمرة قام معالي النائب الأول لرئيس مجلس الوزراء ووزير الداخلية الشيخ فهد يوسف سعود الصباح بجولة تفقدية على مبنى الركاب (T1)… pic.twitter.com/mZgkRDjXDO
— وزارة الداخلية (@Moi_kuw) June 3, 2026
Видеото прикажува сериозна штета на патничкиот терминал 1, како и разговорите на министерот со службите за итни случаи на должност и пожарникарите кои први пристигнале на местото на ударот.
Во овој моќен ирански напад, еден индиски државјанин кој случајно се нашол на терминалот е убиен, додека најмалку 63 лица се ранети, потврдија официјални кувајтски извори.
Воените власти објавија дека противвоздушната одбрана успеала да пресретне и собори 13 ракети и 17 дронови, но дека некои од дроновите сепак го пробиле одбранбениот систем и ја погодиле аеродромската инфраструктура.
Покрај Кувајт, нападнат е и Бахреин, а двете земји имаат важни американски воени бази.
Иранскиот министер за надворешни работи, Абас Арагчи, ги потврди нападите и рече дека тие биле „напади во самоодбрана“, тврдејќи дека целите биле исклучиво локации што ги користи американската војска за напад на трговски бродови и кршење на прекинот на огнот.
Официјален Техеран ги лансираше ракетите како директна одмазда откако американските сили претходната ноќ онеспособија танкер за нафта со знаме на Боцвана, кој се упатил кон островот Харг, клучниот центар за извоз на нафта во Иран, со ракета „Хелфаер“.
ИЗДВОЕНИ
Панчев без влакна на јазикот: Ерата на Меси завршува, фудбалот целосно се менува
Урагански ветер го погоди Скопје: Летаа кровови, паѓаа дрвја, градот остана во хаос/ФОТО/ВИДЕО
Гостивар жеден и болен – весникот ВЕЧЕР во градот што остана без доверба во чешмите и во институциите
Вардар од изворот до Гевгелија носи фекалии, отпад и загадување од петта класа!
