Откако Иран повторно го затвори Ормускиот теснец, цените на нафтата би можеле нагло да пораснат веќе на наредното отворање на пазарот, предупредуваат аналитичарите.
Цените паднаа во петокот, при што референтниот курс изгуби околу 10 проценти откако Техеран објави дека ќе им дозволи на трговските бродови да минуваат низ оваа клучна транспортна рута за извоз на нафта.
Сепак, ситуацијата брзо се промени. Осама Ризви, пазарен стратег во консултантската компанија Primary Vision, проценува дека цените многу наскоро ќе се вратат на високо ниво.
„Очекувам цените да се вратат на највисоко ниво штом пазарите ќе се отворат“, рече тој.
Иако теснецот не е целосно затворен и Иран сè уште дозволува одреден број бродови да поминат, сообраќајот е значително намален. Обемот на нафта што минува низ оваа рута падна од околу 20 милиони барели дневно во 2025 година на само три до четири милиони.
Таквиот пад веќе предизвикува недостиг, особено на азиските пазари, што дополнително влијае на глобалните енергетски текови. Според аналитичарите, овие недостиг имаат влијание и врз тековните преговори меѓу Иран и САД.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
