Светската рагби федерација објави дека спровела најголема истрага за антидопинг во историјата на рагбито, а резултатот е жестока казна за шестмина грузиски рагбисти и тимски доктор. Скандалот ја шокираше спортската јавност, откако беше откриено дека играчите организирале шема за размена на примероци од урина за да избегнат позитивни допинг-тестови.
Најтешко помина поранешниот капитен на грузиската репрезентација, Мераб Шарикаѕе, кој доби суспензија од дури 11 години. Ѓеорѓи Чкојдѕе е казнет со шест години, додека тројца други репрезентативци добија тригодишни суспензии.
Во центарот на скандалот се најде и тимскиот лекар, Нуца Шаматава, кој е суспендиран на девет години. Според истрагата, тој однапред ги информирал играчите за допинг-контролите преку групни разговори, што им овозможувало да манипулираат со примероците.
Истрагата открила дека играчите користеле туѓа урина за да ги скријат забранетите супстанции, а случајот сериозно го потресе грузискиот спорт. Светска антидопинг-агенција потврди дека грузиската влада веќе го повлекла признавањето на националната антидопинг-агенција, по што ќе се формира целосно ново тело со нов персонал.
Од ВАДА предупредуваат дека истрагата може да се прошири и на други спортови во Грузија, што отвора сомнежи за уште поголем скандал во иднина.
ИЗДВОЕНИ
ВМРО-ДПМНЕ прифаќа една изборна единица за да се донесе Изборниот законик
Верата не е пречка за спасување живот – дарувањето органи е благороден чин, но само со слободна волја
Квадратот сè понедостижен, за сопствен стан во Скопје треба да се работи и до 17 години
Нежната срна спасена, но со тешки последици сега живее на село, со мало јаре спасено од колење
