Иран им дозволи на кинеските бродови да поминат низ Ормускиот теснец

Тој нагласи дека на бродовите поврзани со „некоја непријателска држава“ и понатаму им е забранет транзит по тој пат, пренесе новинската агенција „Фарс“.

Според „Тасним“, поврзана со ИРГ, кинеските бродови биле меѓу оние кои во текот на ноќта поминале низ Ормуз.

Дозволен им е транзит по интензивните напори на двете земји, при што блиските билатерални односи и стратешкото партнество одиграле одлучувачка улога, се наведува во соопштението.

„Тасним“ не го наведе точниот број на пловила, туку само извести за „низа кинески бродови“ кои поминале низ Ормускиот теснец по координацијата со Иран.

Кина и Иран долго важат за блиски сојузници, на големо разочарување на Вашингтон, кој се обидува да го принуди Техеран да ја укине блокадата на теснецот донесена откако САД и Израел на крајот на февруари започнаа напади на Иран, истакнува агенцијата дпа.

Соопштението за кинеските бродови кои поминале низ теснецот пристигна додека американскиот претседател Доналд Трамп е во Пекинг на разговори со претседателот Шји Џинпинг.

Според Белата куќа, двете страни се согласиле Ормускиот теснец да остане отворен за испорака на енергенси.

Иран ја презеде контролата врз теснецот кратко време по нападите на САД и Израел на 28 февруари, ефикасно запирајќи го комерцијалниот превоз и заканувајќи се дека ќе нападне бродови што не побарале дозвола за транзит.

САД одговорија со сопствена блокада на иранските пристаништа, со цел задушување на приходите од нафта на земјата.

Техеран постојано тврди дека Ормускиот теснец не е блокиран. Сепак, во реалноста, бродските компании мора да се координираат со иранските власти и им е дозволено да минуваат низ коридорот во близина на иранскиот брег само за висока такса, објаснува ДПА.

Според експертите за меѓународно право, ваквите такси го нарушуваат правото на транзитен премин.