Корисниците на популарниот ВИ-асистент сега можат да ги заштитат своите приватни разговори користејќи четирицифрен PIN или Face ID.
OpenAI го олеснува заштитувањето на вашите разговори на четџипити од љубопитни погледи преку воведување на функција наречена „заклучени разговори“ (locked chats). Кога оваа опција е овозможена, можете да изберете дали одреден разговор ќе се појавува во вашата стандардна историја на разговори, во закачените разговори или во резултатите од пребарувањето.
За да пристапите до вашите заклучени разговори, ќе треба да внесете четирицифрен PIN. На уредите ајфон или андроид, за пристап можете да користите и системи за автентикација, како што е Face ID. Во секој случај, вашите приватни разговори ќе бидат групирани во нов дел означен како „Заклучени разговори“.
OpenAI ја замислува оваа функција првенствено како начин да се спречи луѓето во јавност – или кој било кому ќе му го дадете телефонот – да ги видат вашите разговори со четџипити. Важно е да се напомене дека ова не претставува форма на енд-ту-енд (end-to-end) енкрипција, ниту пак е начин за заобиколување на законските обврски на OpenAI, доколку се најдете во проблеми на работа или со законот.
Компанијата експлицитно го наведува ова на неодамна објавената страница за поддршка, каде што исто така појаснува дека „заклучените разговори“ нема автоматски да ги променат поставките за обука на моделот, ниту пак ќе влијаат врз тоа колку долго OpenAI ги чува вашите приватни разговори.
