Јорданските безбедносни сили уапсија тројца осомничени по смртоносниот напад врз црква што се случи во петокот, објави денеска државната телевизија на земјата, пренесува британската новинска агенција „Ројтерс“.
Нападот, кој се случи за време на погреб во грчка православна црква во селото Хамуд – лоцирано во провинцијата Карак, на околу 120 километри југозападно од Аман – резултираше со девет жртви и 40 ранети, предизвикувајќи страв кај христијанската заедница во земјата.
Јорданската Дирекција за јавна безбедност соопшти дека осомничените биле пронајдени како се кријат во напуштена куќа во Карак. Тие одбиле да се предадат и ги нападнале безбедносните сили, кои возвратиле на огнот, а потоа ги уапсиле тројцата мажи.
Според еден јордански безбедносен претставник, напаѓачите – кои моментално се хоспитализирани – се членови на исто семејство.
Првичните наоди од истрагата укажуваат на тоа дека тие немаат никакви врски со исламистички ќелии.
За време на апсењето немало повредени припадници на безбедносните сили; кај осомничените биле пронајдени неколку парчиња огнено оружје и одредена количина муниција.
Кралот Абдула Втори, чија земја е сојузник на САД во борбата против исламистичките групи, им нареди на безбедносните сили да одговорат на овој напад врз христијанското малцинство со „железна тупаница“.
ИЗДВОЕНИ
Изложбата „Револуција во кадар“ откри ретки и досега необјавени фотографии од македонското револуционерно минато (фотогалерија)
Колумна, Зоран Богатинов: Европа на стаклени нозе
Вирусите ги полнат амбулантите, лекарите апелираат да не се пијат антибиотици на своја рака
И оваа зима ќе се пуши во кафулињата
