Британската полиција уапси осомничен за убиството на поранешната конзервативна пратеничка Ан Видикомб

Британската полиција соопшти дека денес уапсила 26-годишен маж под сомнение за убиството на Ан Видикомб, поранешна конзервативна пратеничка, поддржувач на излегувањето на Велика Британија од Европската унија и учесник во реално шоу.

Видикомб (78) беше пронајдена мртва со сериозни повреди вчера во нејзиниот дом во Хејтор Вејл, кој се наоѓа на работ на Националниот парк Дартмур, во југозападна Англија.

Се верува дека убиството не е терористички чин и нема информации што укажуваат на политички мотив, изјави помошникот началник на полицијата за Девон и Корнвол, Мет Лонгманл, кој не спомена никаков друг мотив, додавајќи дека осомничениот е во притвор и дека истрагата продолжува.

„Ова е навистина шокантна вест, а моите мисли – и би рекол дека мислите на сите нас – се со семејството и пријателите на Ен Видикомб во ова ужасно време“, рече британскиот премиер Кир Стармер, член на Лабуристичката партија, додавајќи. „Ен беше истакнат политичар многу години, имаше многу достигнувања и ова е огромна, огромна загуба.“

Видикомб беше министерка за затвори во Министерството за правда во конзервативната влада.

Таа стекна вистинска слава откако го напушти парламентот, кога стана учесник во реалното шоу „Strictly Come Dancing“ и „Celebrity Big Brother“.

Како евроскептик, таа подоцна се приклучи на партијата Брегзит и стана портпарол на антиимиграциската партија „Reform UK“ на Најџел Фараж.

Како членка на Конзервативната партија, таа беше членка на Долниот дом од 1987 до 2010 година. Таа беше позната по своите социјално конзервативни ставови. Таа беше против правата за абортус и проширувањето на ЛГБТК правата.

Премиерот Стармер не сакаше да шпекулира дали убиството е политички мотивирано, велејќи дека безбедноста на пратениците е „од најголема важност“ и ги повика луѓето да се издигнат над политичките разлики.

Во изминатите 10 години, двајца активни британски пратеници беа убиени. Пратеничката од Лабуристичката партија Џо Кокс беше убиена од десничарски екстремист во 2016 година. Конзервативниот пратеник Дејвид Амис беше избоден до смрт во 2021 година од човек инспириран од злосторствата на терористичката група Исламска држава.

Поранешниот премиер, конзервативецот Борис Џонсон, ја опиша Видикомб како „хероина за Брегзит и одличен оратор кој можеше да ја доведе публиката на Конзервативците до таков екстази што беше тешко да се направи нешто по неа“, пренесе „Бета“.