Општина Кисела Вода, во соработка со Кинотеката на Македонија, организира бесплатна проекција на македонскиот филм „Тетовирање“ во режија на Столе Попов.
Проекцијата ќе се одржи в четврток, во новото кино „Киноверзум“ во Драчево, со почеток во 19:00 часот.
Влезот за сите посетители е бесплатен, но поради ограничениот капацитет, задолжителна е претходна резервација на билети.
– Граѓаните може да резервираат место во периодот од 7 до 9 април, од 7:30 до 15:30 часот, на следниве телефонски броеви: 075/380-928 (Даниела) и 071/804-474 (Верица).
Овој настан е дел од иницијативата на Општина Кисела Вода за зајакнување на културната понуда во овој дел од градот, со фокус на презентацијата на значајни остварувања од домашната кинематографија.












