Белоруската тенисерка конечно го доби тоа што долго го бараше: Франгулис клекна на колена пред Сабаленка (ВИДЕО)

Најдобрата тенисерка во светот, Белорусинката, Арина Сабаленка, беше запросена пред почетокот на мастерс турнирот во Индијан Велс. Таа долго време го молеше своето момче да „го покаже прстенот“, а Јоргос Франгулис се согласи и клекна на колена пред неа опкружена со букети цвеќе – барајќи ја нејзината рака.

Јасно е дека Сабаленка му рече „да“ на Франгулис, а видеото на социјалните мрежи веќе привлече големо внимание и ги израдува нејзините фанови, кои „навиваа“ за нивната љубов.

Новак Ѓоковиќ, кој е во Индијан Велс и близок со двојката, ќе има можност и лично да им честита – тој претходно разговараше со Белорусинката и тие тренираа заедно. Не е познато дали Србинот веќе однапред знаел што прави Јоргос Франгулис, што не би било премногу изненадување со оглед на тоа што двајцата се деловни партнери.

Во прашање е сопственикот на брендот „Оукбери“, а двајцата почнале да соработуваат во рамките на фудбалскиот клуб Ле Ман, чии сопственици станале малцински во текот на претходната година. Тие се дружат приватно и излегуваат заедно.

 

View this post on Instagram

 

A post shared by Aryna Sabalenka (@arynasabalenka)

Патем, Ѓоковиќ стави три срца на објавата на Арина и им честиташе меѓу првите познати личности, па затоа е јасно колку ја одобрува оваа врска.

„Новак отсекогаш ми бил идол, долго пред да станеме пријатели. Секогаш му се восхитував на неговите достигнувања. Кога се појави можноста за Ле Ман, решив да инвестирам во клубот и донесов неколку инвеститори кои се разбираа меѓусебно во оваа област…“ рече Франгулис неодамна.

„Новак е одличен слушател, многу љубопитен за работата, политиката, сè. Затоа секој разговор со него е секогаш интересен и забавен“, рече момчето на Сабаленка.