Објектот „Бамби“ во рамките на детската градинка „Срничка“, доби нова термо фасада.
Градоначалникот на Општина Аеродром, Дејан Митески, информираше дека со тоа се обезбедуваат подобри услови за престој на најмалите.
– Реализацијата на проектот е овозможена преку донација, како уште еден пример за поддршка и заедничко вложување во подобри услови за децата. Со овие проекти создаваме потопли, попријатни и поквалитетни услови за раст и развој на нашите најмили – нагласи Митески.
