Кон крајот на септември, градинката во Инџиково ќе ги отвори вратите за најмалите. Веста на „Фејсбук“ ја објави градоначалникот на Општина Гази Баба, Бобан Стефковски. Тој денеска изврши увид во градежните работи за изградба на објектот.
Притоа, информираше дека во моментов на терен се реализираат активности за партерно уредување на дворот, по што ќе следува поставувањето на опремата.
Градинката е со капацитет за 48 дечиња, од кои 36 на возраст од 21 до 6 години, додека 12 ќе бидат сместени во јасли. Објектот е на површина од 490 квадратни метри. Располага со: три занимални, кујна, помошни технички простории, простории за администрацијата и мултифункционален простор за активности. Греењето е решено со топлотни пумпи – енергетски ефикасно и современо решение.
Вредноста на договорот за изградба на оваа градинка изнесува 47.500.000 денари. Средства се обезбедени од Министерството за социјална политика, демографија и млади.
ИЗДВОЕНИ
Кој дозволи да бидат извезени пиперките и кој ќе ја плати цената за нарушената доверба кај купувачите?
ИЈЗ бара континуиран проток и следење на хлорот, „Комуналец“ ја прекина на главната цевка – дали влијае дефектот врз квалитетот на водата?
Крум Ефремов ќе биде македонски амбасадор во Софија
Муцунски ги собира македонските амбасадори во Скопје – нови задачи и јасни приоритети
