Директорот на Дирекцијата за заштита и спасување, Стојанче Ангелов, упати апел до граѓаните за максимална претпазливост поради исклучително високиот ризик од пожари што го носи најавениот топлотен бран.
Тој посочи дека во јули во просек биле регистрирани околу 15 пожари дневно, но сите биле успешно локализирани и изгаснати благодарение на брзата реакција на пожарникарите и поддршката од ер тракторите.
„Доволна е само една искра за да настане катастрофален пожар“, предупреди Ангелов, посочувајќи дека високите температури, ниската влажност и променливиот ветер создаваат услови за брзо ширење на огнот.
Тој ги повика граѓаните да не фрлаат отпушоци, да не палат оган и скара на отворено, да не палат стрништа и пасишта и да бидат внимателни при користење алати што создаваат искри.
Граѓаните треба веднаш да пријават на 112 секое сомнително однесување што може да предизвика пожар.
„Бидете внимателни – доволна е една искра за страшна трагедија“, порача Ангелов.
ИЗДВОЕНИ
ВО ДРЖАВАТА ПОТВРДЕНИ 13 СЛУЧАИ НА ЗАПАДНОНИЛСКА ТРЕСКА: Тројца пациенти се во критична состојба
Почнуваат подготовки за железничкиот тунел што треба да ги поврзе Македонија и Бугарија
Се зголемува ризикот од труење со храна поради високите температури, АХВ предупредува – бидете внимателни!
Копјата повторно се кршат околу државната каса, повеќе инвестиции или нови долгови и повисок дефицит?
