Кога жителите на малото албанско село Звернец го предупредиле Џаред Кушнер, зетот на американскиот претседател Доналд Трамп, да не го купува нивното островче бидејќи наводно им било украдено земјиште, тој ги игнорираше.
Наместо да го напушти проектот, Кушнер продолжи со инвестицијата и му плати на Артур Шеху, човек кого мештаните го обвинуваат за нелегално одземање на земјиштето, 120 милиони долари. Неговиот правен тим го уверувал дека не би требало да има проблем.
Но, само два месеци по завршувањето на купувањето, албанските обвинители побараа апсење на Шеху, тврдејќи дека имаат докази за неговата наводна клучна улога во шверцот со дрога од Јужна Америка во Европа. Тој е исто така осомничен за перење пари од трговијата со дрога и фалсификување документи за имот.
Албанските власти потоа ги замрзнаа банкарските сметки и финансиските средства поврзани со проектот за луксузен комплекс зад кој стои Кушнер, со што ефикасно ја ставијана чекање неговата голема инвестиција во Албанија.
Албанскиот портал „Балканвеб“ го опишува Шеху како 60-годишен бизнисмен кој со години им е познат на полицијата, медиумите и обвинителите. Властите го бараат од средината на 1990-тите, кога првпат беше под истрага под сомнение за шверц на марихуана и нелегален транспорт на мигранти во Италија во соработка со италијанската мафија.
Шеху успеа да избега пред да биде уапсен. Тој беше повторно пронајден дури во 2001 година во Мајами, каде што побара азил, тврдејќи дека бега од комунистичките банди што ги убија неговиот чичко и брат. Подоцна доби американско државјанство и успешно избегнува апсење во Албанија три децении.
И покрај широките протести против проектот на Кушнер, неговата компанија сè уште се обидува да ја реализира инвестицијата. „Волстрит џурнал“ објави дека групата во моментов подготвува проценка на влијанието врз животната средина за проектот, што е потребно за добивање државни дозволи пред да може да започне изградбата.
Десетици илјади луѓе протестираа против проектот, а критики стигнаа и од некои претставници на Европската унија и јавни личности како што е Дуа Липа. Сепак, проектот сè уште има силна поддршка од албанскиот премиер Еди Рама, кој ја претставува инвестицијата вредна вкупно пет милијарди долари како голем поттик за албанската економија.
ИЗДВОЕНИ
Флашираната вода стигнува до пунктовите но, не и до сите граѓани – денешните резултати се клучни
Македонија стиска палци за Никола Ѓуретановиќ – ќе се бори со европската елита!
Возачите чекаат решение на 1 септември во Брисел – ако нема договор, ќе следуваат протести
Колони на границите, гужви на патарините – повеќе М-тагови за помалку чекање
