Два пожари на отворен простор се активни утрово во Македонија, еден е ставен под контрола, а 20 се изгаснати во изминатото деноноќие, покажуваат податоците на Центарот за управување со кризи до 7:30 часот.
Најсериозниот активен пожар е во Општина Македонски Брод, кај местото Видуш во близина на селото Драгов Дол. Таму огнот зафатил ниска вегетација, нискостеблеста шума и грмушки.
Вториот активен пожар е во кумановската населба Средорек, каде гори ѓубре.
Под контрола е пожарот на градската депонија во Делчево.
Според ЦУК, во последните 24 часа биле регистрирани вкупно 23 пожари на отворено. Најголемиот дел од нив, вкупно 20, биле целосно изгаснати до утрово.
Зголемениот број пожари продолжува во период на високи температури и исушена вегетација, кога и мал извор на оган може брзо да се прошири на поголема површина.
ИЗДВОЕНИ
Македонија стиска палци за Никола Ѓуретановиќ – ќе се бори со европската елита!
Возачите чекаат решение на 1 септември во Брисел – ако нема договор, ќе следуваат протести
Колони на границите, гужви на патарините – повеќе М-тагови за помалку чекање
Не расте бројот на случаите, туку бруталноста: околу 50 пријави за врсничко насилство годишно
