Општина Гази Баба, во координација со МВР и со ЈП „Градски паркинг“, спроведе акција за подигање на возилата што беа непрописно паркирани на јавни површини, тротоари и коловози во околината на пазарот во населбата Ченто.
– Со ваквото несовесно паркирање, се попречува движењето на возилата, јавниот превоз и пешаците, а воедно се создава и небезбедна сообраќајна средина – потенцираат од Општина Гази Баба.
Оттаму порачаа дека нема да има толеранција на узурпацијата на јавниот простор и на непрописното паркирање.
– Јавните површини мора да останат проодни и достапни за сите граѓани. Ваквите контроли и акции ќе продолжат и во наредниот период и на други локации во Општината, со цел воспоставување ред во сообраќајот и поголема безбедност за сите учесници – велат од локалната самоуправа.
Притоа, апелираат до граѓаните да ги почитуваат сообраќајните правила, да не паркираат на тротоарите и коловозите и да покажат поголема сообраќајна култура.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
