При вонреден инспекциски надзор во Долно Лисиче, на локацијата викана Купишта, бил затечен камион што незаконски фрлал отпад од градежен шут, спротивно на Законот за управување со отпад.
Од Општина Аеродром информираат дека од страна на општинскиот Инспекторат бил издаден прекршочен платен налог за правното лице, согласно со член 130 од Законот.
– За сторениот прекршок е изречена глоба од 20.000 евра во денарска противвредност. Општина Аеродром продолжува со засилените инспекциски контроли и нема да дозволи уништување на животната средина, загадување и создавање диви депонии на нејзина територија – соопштија од локалната самоуправа.
Притоа, апелираат до сите граѓани и компании совесно да постапуваат со отпадот и да ги почитуваат законските прописи, во спротивно, за секое несовесно однесување ќе следуваат санкции.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
