Српскиот претседател Александар Вучиќ денеска преку објава на Инстаграм соопшти дека го завршува својот втор претседателски мандат и дека по тој повод организирал коктел-прием за вработените во неговиот кабинет.
„Ви благодарам што бевте истрајни, дури и во моменти кога се случуваа работи што не ви се допаѓаа. Несомнено правев грешки – како што секој нормален човек ги прави секојдневно. И бескрајно ви благодарам за сè. Десет години од животот не се малку време“, им рекол Вучиќ на вработените, според објавата на неговиот профил на Инстаграм.
Вучиќ се прости од членовите на својот кабинет со танц, оро и со песните „А сад адио“ и „Четири године“.
View this post on Instagram
Тој претходно најави дека во недела навечер ќе поднесе оставка од функцијата претседател на Србија и дека ќе ја образложи својата одлука пред јавноста.
„Недела ќе биде напорен ден. Во недела навечер поднесувам оставка – мислам дека тоа ќе биде околу осум часот“, им изјави Вучиќ на новинарите во Њујорк во четвртокот вечерта.
View this post on Instagram
Откако Вучиќ ќе поднесе оставка од претседателската функција, неговата должност како вршител на должноста претседател ќе ја преземе Ана Брнабиќ, претседателката на распуштениот српски Парламент.
Според Уставот на Србија, претседателски избори мора да се одржат во рок од три месеци од денот на поднесувањето на оставката.
