Вооружени натрапници со фантомки упаднале во домот на Крис Хемсворт: Украле три автомобили, полицијата интервенирала

Четири маскирани мажи упаднале на луксузниот имот на познатиот актер во Брокен Хед, во близина на Бајрон Беј, Австралија, и украле три автомобили.

Според „Дејли меил“, инцидентот се случил во среда, а полицијата на Нов Јужен Велс ја потврди кражбата на возило од имотот каде што живее познатата двојка со своите три деца, ќерката Индија и синовите Саша и Тристан.

Елса наводно се разбудила околу 2 часот наутро со лаење кучиња, но набрзо се вратила во кревет. Дури наутро ги прегледала снимките од надзорните камери и забележала четири мажи чии лица биле покриени со фантомки. Двајца од нив, според достапните информации, биле вооружени со ножеви.

Снимката ги прикажува крадците како скокаат преку предната ограда и влегуваат во гаражата, каде што се наоѓале три автомобили, еден BYD, еден Ram и еден Ford Raptor. Клучевите биле оставени во возилата, што им го олеснило кражбата на мажите.

Полицијата оттогаш пронашла два од автомобилите, едниот во градот Кораки, на околу еден час возење, а другиот во Табулам, кој е оддалечен повеќе од два часа. Третото возило сè уште се бара.

Славната двојка ја повикала полицијата околу 7:30 часот наутро, по што била започната истрага.

„Полицијата го обезбеди местото на настанот и почна да ги утврдува околностите на инцидентот“, изјави портпаролот на полицијата.

Имотот го носи прекарот „Тврдината на Хемсворт“
Крис Хемсворт и Елса Патаки го купиле имотот во 2014 година за околу седум милиони долари, а потоа на него изградиле луксузен станбен комплекс. Поради неговата изолација и високото ниво на приватност, локалното население го нарекло „Тврдината на Хемсворт“.

Имотот е опкружен со шуми, нема непосредни соседи, а нуди и поглед на океанот. Комплексот вклучува приватно тениско игралиште, базен и голема тераса.

Самата куќа има шест спални соби, спа центар, медиумска соба, теретана, соба за игри, па дури и приватна куглана. Иако е опремена со најсовремен систем за видео надзор, имотот сепак не успеал да го спречи упадот на маскирани мажи.

Според проценките, вредноста на луксузниот имот денес надминува 75 милиони долари, а доколку некогаш се појави на пазарот, би можела да достигне повисока цена.