Општина Аеродром почнува постапка за воспоставување систем за видеонадзор на детските и на спортските игралишта, како и во парковите.
На последната седница на Советот беше усвоен предлогот за почнување на постапката.
– Новиот систем ќе придонесе за спречување на вандализмот, заштита на општинскиот имот и урбаната опрема, зачувување на парковите и на игралиштата, како и поддршка на надлежните институции во откривањето на сторители на казниви дела. Истовремено, ќе обезбеди поголем јавен ред, поголема безбедност и подобра заштита на јавната инфраструктура – потенцираат од Општина Аеродром.
Оттаму додаваат дека ќе се спроведе реализацијата согласно со законските процедури, со целосно почитување на заштитата на личните податоци и на сите пропишани стандарди.
– Секое искршено игралиште е загуба за сите, а најмногу за нашите деца. Затоа, покрај реконструкцијата и обновата на спортските и на детските игралишта, преземаме конкретни чекори за нивна трајна заштита. Нема компромис со вандализмот – децидни се од локалната самоуправа.
ИЗДВОЕНИ
Има ли придвижување или останува статус кво на патот кон ЕУ ?
Поглед во таванот, смеење и негирање на вина – серискиот убиец ќе одговара за 4 убиства и 2 обида
Увозот на работници од Непал и од Бангладеш заглавен во бирократија и корупција
Недомаќинско трошење, договори на три дена и ангажирање еден адвокат за 77 отсто од услугите
