„Венецуела ве бара“ – покрената платформа за пронаоѓање на исчезнатите по разорниот земјотрес во земјата

Венецуела прогласи вонредна состојба откако два исклучително силни земјотреси со јачина од 7,2 и 7,5 степени според Рихтеровата скала го погодија главниот град Каракас. Додека спасувачите вложуваат натчовечки напори во потрагата по преживеани под урнатините, првичните експертски проценки предупредуваат на можноста за катастрофален број жртви со повеќе од 10.000 потенцијални жртви.

Првиот земјотрес со јачина од 7,2 степени беше само претходница на уште поразорен земјотрес од 7,5 степени што следеше неколку секунди подоцна.

Crazy footage out of Venezuela after the earthquake. pic.twitter.com/rg3sBiInCF

— Open Source Intel (@Osint613) June 25, 2026

Вториот земјотрес што ја погоди Венецуела беше најсилниот што земјата го доживеала за повеќе од еден век, објавува CNN, повикувајќи се на податоци од Геолошкиот завод на САД. Најголемиот земјотрес во Венецуела се случил во 1900 година, со јачина од 7,7 степени, по северниот брег, во близина на главниот град Каракас. Епицентарот на тој потрес бил само неколку стотици километри од епицентарот на денешниот.

Огромна штета е видлива на секој чекор – станбените облакодери се тешко оштетени, на некои цели надворешни ѕидови се откорнати, откривајќи ја внатрешноста на становите, додека цели згради се срамнети со земја.

Аеродромот во Каракас е затворен, железничкиот сообраќај е прекинат, а часовите се откажани. Иако официјалните бројки досега потврдија 32 смртни случаи и 700 повредени, властите стравуваат дека бројот драматично ќе се зголеми додека продолжува потрагата по урнатините.

Venezuela मे भूकंप ने सब कुछ तबाह कर दिया 💔

इमारते ढह गई,सपने चुर चुर हो गये,परिवार बिखर गये 😢
दुनिया देख रही है,लेकिन दर्द सिर्फ उन लोगों का है जिन्होंने सब कुछ खो दिया

Venezuela we all with you,our preyers with you pic.twitter.com/LL1EVlq9QI

— Reshma Memon (@ReshmaM15238489) June 25, 2026

Граѓаните се организираат: Платформа за пронаоѓање на исчезнатите

Во услови кога телефонските линии се прекинати, а пристапот до интернет е тежок, претприемачката Јулија Алесандра Маријано ја лансираше граѓанската платформа „Venezuela Te Busca“ (Венецуела ве бара). За само неколку часа, повеќе од 9.000 луѓе беа пријавени како исчезнати на платформата, додека речиси 300 луѓе се пронајдени.

Интересно е што корисниците на социјалната мрежа X во Венецуела пријавија дека повторно добиле пристап до платформата без користење на VPN, што е изненадувачки со оглед на тоа што пристапот до мрежата е ограничен од август 2024 година.

Катастрофа во Венецуела, бројот на жртви расте: „Државата не постои, сами ги бараме своите“

Светот веднаш реагираше на катастрофата во Венецуела

САД: Државниот секретар на САД, Марко Рубио, го потврди испраќањето на тимови за пребарување и спасување, медицински ресурси и хуманитарна помош.

Европска Унија: Урсула фон дер Лајен и Хаџа Лахиб изразија целосна солидарност, потврдувајќи дека ЕУ е подготвена да обезбеди дополнителна помош.

Регион и свет: Бројни земји, вклучувајќи ги Италија, Франција, Шпанија, Пакистан и земјите од Латинска Америка, испратија пораки со сочувство и понудија конкретна хуманитарна поддршка.

Спасувачите ја продолжуваат својата неуморна борба со времето, додека повиците за помош продолжуваат да се слушаат од урнатините.

🚨Así quedaron las calles agrietadas en La Guaira tras el terremoto ocurrido este 24 de junio.#laguaira #calles #agrietadas #laprensademiranda pic.twitter.com/49iSId68R2

— Cristian Crespo F. 🇨🇺 (@cristiancrespoj) June 25, 2026

Најмалку 164 лица загинаа, а 971 се повредени во двата силни земјотреси што ја погодија Венецуела во среда, изјави вршителот на должноста претседател Делси Родригез, додека спасувачките екипи продолжуваат да бараат преживеани под урнатините. Родригез предупреди дека бројот на жртви може да продолжи да расте бидејќи спасувачките служби сè уште не ги провериле сите погодени области, особено државата Ла Гваира, каде што се уништени голем број станбени згради.

Венецуела се наоѓа во сеизмички активна област каде што се среќаваат две тектонски плочи – Карипската и Јужноамериканската. Според Геолошкиот завод на Соединетите Американски Држави (USGS), вториот и посилен од двата земјотреси денес беше предизвикан од плитко хоризонтално движење на расед во близина на границата меѓу двете плочи.