Дете на возраст од година и пол било нападнато и искасано од улично куче во дворот на семејниот дом во Шуто Оризари, информираат неговите родители, пренесува РомаПрес.
Според сведоштвото на семејството, кучето најверојатно влегло во дворот додека членовите на семејството биле на терасата. Детето во тој момент било малку подалеку од останатите. Кога мајката се обидела да го избрка кучето, животното, според нивното сведоштво, се нафрлило врз детето.
При нападот, детето се здобило со повеќе каснувања и повреди по телото, меѓу кои и во пределот на лицето, увото и трупот. Веднаш било пренесено во здравствена установа, каде што му била укажана медицинска помош.
Според медицинската документација, случајот е евидентиран како каснување од куче. На детето му била дадена вакцина против беснило, а лекарите препорачале продолжување на предвидените дози и примање антирабичен серум согласно медицинската проценка.
Случајот бил пријавен во полиција, а семејството ангажирало и адвокат.
Родителите посочуваат дека располагаат со медицинска документација која потврдува дека детето било третирано поради повреди предизвикани од каснување од куче.
ИЗДВОЕНИ
Македонија стиска палци за Никола Ѓуретановиќ – ќе се бори со европската елита!
Возачите чекаат решение на 1 септември во Брисел – ако нема договор, ќе следуваат протести
Колони на границите, гужви на патарините – повеќе М-тагови за помалку чекање
Не расте бројот на случаите, туку бруталноста: околу 50 пријави за врсничко насилство годишно
