Директорот на Дирекцијата за заштита и спасување (ДЗС), Стојанче Ангелов, вчера презентираше детали за уништувањето на две хемиски гранати од 75 милиметри со екстремно токсично бојно полнење, кои потекнуваат од периодот на Првата светска војна, пренесе МИА.
Станува збор за неексплодирани убојни средства (НУС) со хемиско полнење, чија безбедна неутрализација била спроведена согласно со утврдените безбедносни процедури.
Воедно, од ДЗС упатија апел до граѓаните да бидат особено внимателни доколку наидат на неексплодирани гранати, бомби, муниција или друго оружје од минатите воени конфликти.
– Граѓаните во никој случај не треба да ги поместуваат или допираат пронајдените експлозивни средства, туку веднаш да го известат единствениот повикувачки број за итни случаи 112 – нагласуваат од ДЗС.
Оттаму појаснуваат дека по добиената пријава, специјализирани тимови на Дирекцијата ќе постапат согласно со стандардните оперативни процедури за неексплодирани убојни средства и ќе ја отстранат опасноста на безбеден начин.
Од ДЗС потсетуваат дека и повеќе од еден век по завршувањето на Првата светска војна, на територијата на државата сè уште повремено се пронаоѓаат опасни неексплодирани средства, кои може да претставуваат сериозна закана за безбедноста на граѓаните доколку несоодветно се ракува со нив.
ИЗДВОЕНИ
Пријателство и радост во Охрид – децата од регионот учат за духовното и културното наследство
Наместо за 400 евра во Грција, децата може да летуваат за 7.000 денари во камп во Дојран
„Везилка“ – македонски влез кон европското АИ милје
Апасиев го обвини Тошковски за партизација, министерот возврати дека опозицијата сака да го закочи расчистувањето со криминалот
