Украински дрон ја погоди московската нафтена рафинерија, повредени се најмалку 17 лица/ВИДЕО

Украински дронови ја погодија московската нафтена рафинерија во населбата Капотња, што претставува втор напад врз објектот во текот на оваа недела. По ударот, над југоисточниот дел на руската престолнина се издигнаа пламен и густи облаци чад. Според локалниот гувернер Андреј Воробјов, во нападот се повредени 17 лица.

Last night, our long-range sanctions once again reached the Moscow region – for the second time this week, the Moscow oil refinery was hit. Targets were also struck in the Rostov region and in temporarily occupied territories of Ukraine. This is a fully justified response to… pic.twitter.com/NhFl4FlT9L

— Volodymyr Zelenskyy / Володимир Зеленський (@ZelenskyyUa) June 18, 2026

Градоначалникот на Москва, Сергеј Собјанин, изјави дека руските сили за противвоздушна одбрана одбиле масовен напад со беспилотни летала, но дека дел од нив успеале да стигнат до рафинеријата. Според неговите тврдења, околу 180 дронови биле соборени на пат кон главниот град, а оштетен бил и еден трговски центар.

Поради инцидентот, сообраќајот на дел од московската обиколница во близина на рафинеријата бил привремено запрен.

На социјалните мрежи се појави видео-снимка за која се тврди дека го прикажува моментот на ударот. На снимката се гледа како дрон удира во голем резервоар за гориво, по што следува силна експлозија.

Од силината на ударот, металниот покрив на резервоарот бил исфрлен високо во воздух и одлетал неколку десетици метри, додека пожарот брзо се проширил низ објектот.