Украинците со дронови погодија танкер во руското пристаниште Таганрог и складиште за нафта во градот Армавир преку ноќ, соопштија властите во јужните региони Ростов и Краснодар.
Според „Ројтерс“, гувернерот на Ростовскиот регион Јуриј Сљусар изјави на Телеграм дека пожарите на танкерот и во пристаништето Таганрог, град со околу 240.000 жители, се изгаснати.
Две лица се повредени и не е пријавено истекување на нафта, додаде функционерот.
Градоначалничката на Таганрог, Светлана Камбулова, изјави дека градот е сè уште под вонредна состојба, воведена на 27 мај.
Во соседниот Краснодарски крај, властите во Армавир, град со 185.000 жители, изјавија дека пожарот во складиште за нафта во индустриската зона на градот е ставен под контрола и дека нема пријавени повредени.
Гувернерот на Ростовската област изјави дека речиси 50 беспилотни летала се соборени во регионот, пренесе „Бета“.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
