Украина покажува ново оружје? Ракета „Фламинго“ наводно погодила воена цел во Русија/ВИДЕО

Украинскиот претседател Володимир Зеленски потврди дека украинските сили извршиле нови напади длабоко на руска територија, при што биле погодени воени и енергетски цели, оддалечени и повеќе од 900 километри од линијата на фронтот.

„Продолжуваме да ги спроведуваме украинските удари со долг дострел врз руските воени објекти и нафтената индустрија“, напиша Зеленски на платформата Икс.

VNIIR pic.twitter.com/JcUr8XF8b0

— Exilenova+ (@Exilenova_plus) June 10, 2026

Тој наведе дека во текот на изминатата ноќ украинските дронови ФП-5 „Фламинго“ погодиле воен погон во Чебоксари, кој, според Киев, произведува компоненти за дронови и ракети што ги користи руската армија. Мета на нападите била и рафинеријата „Кујбишев“ во Самарската област, една од најголемите во регионот и дел од структурата на руската нафтена компанија „Росњефт“.

We continue to apply Ukrainian long-range sanctions against Russian military facilities and the oil industry. In particular, last night Ukrainian FP-5 Flamingos struck a military plant in Cheboksary that supplies the occupier’s army with components for drones and missiles. I… pic.twitter.com/WdA2yUhsyC

— Volodymyr Zelenskyy / Володимир Зеленський (@ZelenskyyUa) June 10, 2026

Зеленски соопшти дека биле нападнати и два објекта од нафтената инфраструктура во Владимирската област, на околу 700 километри од украинската граница.

„Ова се целосно праведни одговори на Службата за безбедност на Украина“, порача украинскиот претседател.

Фабриката ВНИИР-Прогрес во Чебоксари, која беше посочена како една од целите, според украинските власти, произведува антени наменети за заштита на руските ракети и беспилотни летала од системите за електронско војување.

Руските власти засега не објавија официјални информации за евентуалната штета или последиците од нападите.