Американскиот претседател Доналд Трамп денес изјави дека Русија се согласила да го ослободи американскиот државјанин Роберт Гилман – поранешен припадник на американските маринци кој бил во затвор во Русија од 2022 година – по разговорите со рускиот претседател Владимир Путин.
„Москва го ослободи Гилман откако Путин му додели помилување поради влошената здравствена состојба“, соопштија американски официјални лица. Белата куќа и Стејт департментот претходно ја повикаа Москва да го ослободи 32-годишниот Гилман за да може да побара медицински третман во САД.
„Ја цениме оваа одлука и фактот што Русија не побара никого за возврат – немаше никаква размена“, напиша Трамп на платформата „Трут соушл“ (Truth Social). Гилман бил затворен во Воронеж, град на околу 550 километри јужно од Москва. Точните детали за неговата здравствена состојба не се познати.
Апсење и судење во Русија
Американските власти соопштија дека Гилман денес патува од Русија кон аеродромот „Далес“ во Вашингтон со авион на Стејт департментот.
Гилман служел во американските маринци од август 2019 до август 2020 година. Тој бил уапсен во Воронеж во јануари 2022 година додека патувал со воз. Според руските државни медиуми, тој бил приведен под обвинение дека удрил полицаец додека бил во алкохолизирана состојба.
Тој бил осуден на четири и пол години затвор и бил еден од најмалку десетте Американци за кои се знаело дека се затворени во Русија.
ИЗДВОЕНИ
Македонија стиска палци за Никола Ѓуретановиќ – ќе се бори со европската елита!
Возачите чекаат решение на 1 септември во Брисел – ако нема договор, ќе следуваат протести
Колони на границите, гужви на патарините – повеќе М-тагови за помалку чекање
Не расте бројот на случаите, туку бруталноста: околу 50 пријави за врсничко насилство годишно
