Американскиот претседател Доналд Трамп денес објави дека ги откажал планираните ракетни напади и бомбардирање на Иран што требаше да се случат вечерва.
„Врз основа на фактот дека разговорите со Исламската Република Иран се однесени на највисоките нивоа на иранското раководство и се одобрени, јас, како претседател на Соединетите Американски Држави, ги откажав закажаните напади и бомбардирање на Иран вечерва. Дискусиите и последните точки се одобрени, и концептуално и детално, од сите вклучени страни, вклучувајќи ги САД, Израел, Саудиска Арабија, ОАЕ, Катар, Турција, Пакистан, Бахреин, Кувајт, Јордан, Египет и други. Поморската блокада ќе остане на сила додека не се финализира оваа трансакција – времето и местото на потпишувањето ќе бидат објавени наскоро“, рече Трамп на мрежата Truth Social.
