Американскиот претседател Доналд Трамп денес изјави дека имал „добри разговори“ со рускиот претседател Владимир Путин и украинскиот претседател Володимир Зеленски, бидејќи се стреми да ја заврши војната во Украина.
„Работиме на руската ситуација, руската ситуација и украинската ситуација и се надеваме дека ќе ја решиме“, рече Трамп во интервју за „Сандеј брифинг“ на „Фокс њуз“.
Трамп рече дека не сакал да открие кога последен пат разговарал со Путин.
„Разговарам со него и разговарам со претседателот Зеленски, имаме добри разговори“, рече тој, без да прецизира кога се случиле овие разговори со лидерите.
„Омразата меѓу претседателот Путин и претседателот Зеленски е бесмислена. Тоа е лудост. А омразата е лоша работа. Омразата е лоша работа кога се обидувате да постигнете договор, но ќе се случи договор“, рече тој.
Трамп вети дека ќе ја заврши војната што започна со руската инвазија на Украина во февруари 2022 година, но по повеќе од една година од неговиот втор мандат, војната сè уште трае, пренесе „Хина“.
