Несреќа во Германија: Училишен автобус со 20 деца удрил во ѕид од куќа; возачот останал заглавен/ФОТО

Утринава во Бад Олдеслое, во германската покраина Шлезвиг-Холштајн, училиштен автобус со околу 20 деца удри во ѕид од куќа. Точниот број на повредени лица и сериозноста на нивните повреди сè уште не се познати.

Несреќата се случила околу 7:20 часот на улицата Зилцберг, кога, од засега непознати причини, автобусот преминал преку кружен тек и удрил во ѕид од куќа, пренесува „Билд“.

По судирот, возачот останал заглавен во автобусот, а една жена и неколку патници се здобиле со повреди, потврди полицијата. Точниот број на повредени лица сè уште не е утврден.

На местото на настанот се наоѓаат екипи на итната помош, пожарникари и полиција, а просторот е ограден.

In Schleswig-Holstein verunglückt ein Schulbus. Die Busfahrerin fährt über einen Kreisverkehr und prallt anschließend gegen eine Hauswand. Die Busfahrerin soll im Fahrzeug eingeklemmt sein, wie es den Kindern geht, ist unklar. https://t.co/2TVmDaEDcs

— ntv Nachrichten (@ntvde) October 30, 2026