Претседателот на САД, Доналд Трамп, денес претрпе пораз пред Врховниот суд на САД во спорот околу правото на државјанство по раѓање. Судот пресуди со историска пресуда дека децата родени во Соединетите Американски Држави ќе продолжат автоматски да стекнуваат државјанство на САД.
Трамп се обиде да го елиминира правото на државјанство по раѓање за децата на луѓе кои се во Соединетите Американски Држави привремено или без потребната дозвола за престој. Критичарите на таквото барање тврдеа дека 14-тиот амандман на Уставот на Соединетите Американски Држави не дозволува такво толкување.
Во него се наведува дека децата родени на територијата на САД се државјани на САД. „Сите лица родени или натурализирани во Соединетите Американски Држави и под нивна јурисдикција се државјани на Соединетите Американски Држави и на државата во која живеат“, се вели во пресудата.
Принципот што гарантира државјанство важи од 1868 година. Принципот jus soli, латински за „право на тлото“, гарантирал автоматско државјанство на речиси секое дете родено на американска почва од 1868 година. Со таа одлука, Врховниот суд ја потврди таа практика.
Набљудувачите очекуваа судиите да го отфрлат обидот на Трамп да го промени законот, со оглед на дебатата во која дури ни конзервативните судии не покажаа склоност кон такво толкување на Уставот, пренесе „Хина“.
ИЗДВОЕНИ
Компромисот за деблокадата на Изборниот законик во рацете на координаторите
Асистентка уапсена по пријава на студент од Турција: фатена со обележани сто евра
Пченицата се откупува по цена на едно јајце, земјоделците се откажуваат од лебното жито
Млекото падна на 21 денар за литар, субвенциите доцнат една година, а добитокот нема што да јаде
