Тирана ги прогласи лидерите на ОВК, осудени од Специјализираните совети, за почесни граѓани

Советот на градот Тирана го одобри предлогот на градоначалникот Ерион Велиај четворица поранешни лидери на Ослободителната војска на Косово (ОВК) – кои беа осудени за воени злосторства во првостепена постапка – да бидат прогласени за почесни граѓани.

Предлогот го признава придонесот на четворицата поранешни лидери на ОВК во војната за ослободување на Косово и во „неговиот пат кон слобода и независност“, како и нивните врски со Тирана и Албанија.

Во образложението на одлуката се истакнува дека им се оддава почест на Хашим Тачи, Кадри Весели, Јакуп Красниќи и Реџеп Селими за нивниот „историски придонес кон Ослободителната војска на Косово и процесите што доведоа до државноста на Косово“.

Хашим Тачи, Кадри Весели, Јакуп Красниќи и Реџеп Селими беа прогласени за почесни граѓани поради нивниот „вреден придонес во војната за ослободување на Косово, неговото политичко претставување и патот на Косово кон слобода и независност – со силна поддршка од САД и евроатлантските партнери“ – како и за нивната „посебна врска со Тирана и зајакнувањето на односите меѓу Косово и Албанија“.

Во првостепената постапка пред Специјализираните совети, сите четворица лидери на ОВК беа прогласени за виновни за воени злосторства. Тачи и Красниќи беа осудени на по 25 години затвор, Весели на 18 години, а Селими на 13 години, пренесе „Бета“.