Teнзии меѓу Вашингтон и Ерусалим? Нетанјаху ја „амортизира“ приказната

Израелскиот премиер Бенјамин Нетанјаху изјави дека нема расправија со Доналд Трамп, и покрај повремените несогласувања и тензии во комуникацијата.

Израелскиот премиер Бенјамин Нетанјаху во вторникот ја негираше можноста за расправија со американскиот претседател Доналд Трамп, велејќи дека понекогаш може да има „тактички несогласувања“ со него, но дека двајцата „се согласуваат за главните работи“. Во интервју за CNBC снимено во неговата канцеларија во Ерусалим, Нетанјаху рече дека тоа вклучува спречување на Иран да се здобие со нуклеарно оружје, како и заканување на Израел со нуклеарно оружје.

„Понекогаш, како во најдобрите семејства, имаме вакви тактички несогласувања. Секогаш наоѓаме начин да ги решиме и тоа го правиме како добри пријатели“, рече Нетанјаху.

Нетанјаху одби да одговори на прашањето дали Трамп го опцул остро за време на телефонскиот разговор оваа недела и дека американскиот претседател рекол дека Нетанјаху ќе биде во затвор ако не е тој.

„Нема да навлегувам во детали“, рече Нетанјаху, одговарајќи на прашањето дали Трамп наводно го нарекол „луд“. Израелскиот премиер рече дека разговарал со Трамп „секој втор ден“.