Американскиот претседател Доналд Трамп изјави дека соборувањето на борбениот авион Ф-15 над Иран нема да влијае на разговорите со земјата. Ова е првата изјава на Трамп за инцидентот, во кој еден пилот беше спасен, додека потрагата по другиот сè уште е во тек.
Трамп одби да коментира за деталите од операцијата за пребарување и спасување што се спроведува во Иран. Сепак, тој изрази фрустрација од дел од медиумското известување за она што го нарече интензивна и чувствителна воена операција.
На прашањето дали настаните ќе влијаат на разговорите со Иран, американскиот претседател одговори: „Не, воопшто не. Таква е војната. Ние сме во војна“.
Во меѓувреме, полуофицијалната иранска новинска агенција Фарс објави, повикувајќи се на неименуван извор, дека е одбиен предлогот на САД за 48-часовен прекин на огнот. Порано оваа недела, иранскиот министер за надворешни работи изјави дека земјата ќе прифати само траен крај на војната, а не привремено примирје.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
